भारतीय सुरक्षाकर्मीको दादागिरी र हस्तक्षेपले यसरी भयो गोबिन्द गौतमकको मृत्यु(भिडियो सहित)

आज भारतीय सुरक्षाकर्मीले बर्बर रुपमा कञ्चनपुरमा एक नेपालीको हत्या गरेपछि अहिले नेपालीहरु आक्रोशित भएकाछन् । भारतीय हस्तक्षेप र दादागिरी बिरुद्ध सामाजिक सञ्जालमा आक्रोश पोखिएको छ । कञ्चनपुरको सीमा क्षेत्र आनन्दबजारमा भारतीय क्षेत्र हस्तक्षेपको प्रतिरोधमा उत्रिएका नेपालीमाथि भारतीय सीमा सुरक्षा बल ले गोली चलाएको छ । गोली लागेर एक नेपालीको मृत्यु भएको प्रहरीले जनाएको छ । गोली लागेर स्थानीय गोविन्द गौतमको मृत्यु भएको छ । कम्मरमा गोली लागेपछि उपचारका लागि अस्पताल लगिएको थियो । तर चिकित्सकले उनलाई मृत घोषणा गरेका थिए । एसएसबीका जवानहरुले आनन्द बजारका नेपालीलाई कुटपिट गरेको विरोधमा स्थानीयबासी विरोधमा उत्रिएका थिए । त्यसक्रममा नेपाली र भारतीयबीच झडप भएको थियो ।