समाचार टिप्पणी
विष्णुप्रसाद पोखरेल
दमक/झापाको दमकमा कुवा, पैनीहरु मासिएकाछन् । दीपेनी खोला ढलमा परिणत भएको छ । खोला मिचेर पक्की संरचनाहरु बनाईएकाछन् ।
तर यसमा अहिलेसम्म कसैको वास्ता जान सकेको छैन ।
दमकमा रहेका सार्वजनिक तथा सरकारी जग्गाहरुको लगतसमेत नगरपालिकासंग नभएको र खोज्ने प्रयास भइरहेको बताइदै आएको छ ।
अहिले संघीय सरकारले सार्वजनिक तथा सरकारी जग्गा खोजी गरेर ब्याक्तिको नाममा गएको भए फिर्ता ल्याउने निर्णय गरिसकेको छ ।
अब दमकमा पनि यस्तै कदम चालिनु जरुरी रहेको छ ।
दमकमा गन्यमान्य र आफुलाइ अब्बल सामाजिक तथा राजनीतिक नेतृत्व मान्नेहरुले हिजो खडेरी बनाएर सार्वजनिक तथा ऐलानी जग्गाहरु बेचेको भनेर चर्चा हुन्छ ।
वास्तविकता के हो ? हिजो दीपेनी खोलाको जग्गा कति थियो ? खोलामाथि अहिले कहाँ कस्कस्ले संरचना बनाएकाछन् ?
पुराना पैनी तथा खोल्साखोल्सि कहाँ र कति थिए त्यो खोज्नु आवश्यक छ ।
पुराना सिमसारदेखि लिएर सार्वजनिक जग्गाहरु अधिकाँश ठाँउमा मिचिएको भनेर बारम्बार बहसको बिषय बन्छ तर खोज्ने काम भएको छैन ।
रतुवा खोलाको बगर समेत अहिले कब्जा भइसक्न लागेको अवस्था छ ।
अब कहिलेसम्म यो हेरेर बस्ने हो दमक सरकारले ? तत्काल कदम चाल्नु जरुरी छ ।
