काठमाडौं– राजधानीको सुकेधारा र घट्टेकुलोमा आइतबार दिउँसो विस्फोट हुँदा ३ जनाको मृत्यु भएको छ।
दुई ठाउँमा भएका विस्फोटमा परेर घाइते भएकालाई ओम अस्पताल र राष्ट्रिय ट्रमा सेन्टरमा उपचारका लागि लगिएको छ।
विज्ञापन (ADVERTISEMENT)
घाइतेमध्ये ५ जनालाई ओम अस्पतालमा लगिएको छ भने एक जनालाई राष्ट्रिय ट्रमा सेन्टरमा लगिएको छ। ओम अस्पतालमा उपचाररतमध्ये ३ जनालाई आइसियुमा राखिएको छ।
अन्यको अवस्था सामान्य रहेको छ। यस्तै ट्रमा सेन्टरका निर्देशक डा प्रमोद यादवका अनुसार घाइतेको आकस्मिक कक्षमा आवश्यक उपचार भइरहेको छ।
विस्फोटमा परेका व्यक्ति सामान्य घाइते भएको र आवश्यक जाँच अगाडि बढाइएको उनले जानकारी दिए। सुकेधारामा भएको बिस्फोट ग्यास पड्केको बताइए पनि घट्टेकुलोको विस्फोट बम विस्फोट भएको आशंका गरिएको छ।
घटनाहरुबारे अनुसन्धान भइरहेको प्रहरीले जनाएको छ।नेपाललाइभ
