दमक नगरपालिकाले दियो १ सय ७० लाइ रोजगार

दमक/झापाको दमक नगरपालिकाले १ सय ७० जना बेरोजगारहरुलाइ एक महिनाको रोजगारको ग्यारेन्टि गर्दै काममा लगाएको छ । आज औपचारिक रुपमा प्रधानमन्त्री रोजगार कार्यक्रम शुरु भएको हो ।

दैनिक ५ सय १७ रुपिया दिएर नगरपालिकाले बृक्षारोपण, सरसफाइ लगायतका काममा बेरोजगारहरुलाइ खटाउन शुरु गरिएको बताईएको छ ।

कार्यक्रम शुरुवात गर्दै प्रदेश सभा सदस्य अर्जुन राइ, दमक नगरपालिका प्रमुख रोमनाथ ओली, प्रधानमन्त्रीको नीजि सचिवालयका सदस्य होमबहादुर थापा लगायत यो कार्यक्रम बेरोजगारहरुका लागि बरदान बन्दै जाने बताएका थिए ।

नगरपालिकाका रोजगार संयोजक राजेन्द्र खनालका अनुसार हरेक वाडका १७ जनाको दरले छनोट गरेर खटाउन शुरु गरिएको हो ।