पछिल्लो समय एसिड आक्रमणका घटना बढ्दै गएका छन् । राजधानीकै बसन्तपुरमा तीनजना किशोरीमाथि एसिड प्रहार भएको एक वर्ष बित्न नपाउँदै आइतबार राति बुटवलमा भएको एसिड आक्रमणमा एकजना महिलाको ज्यानगएपछि फेरी तंरग पैदा भएको छ ।
आखिर किन बढ्दैछ त एसिड आक्रमण ? अधिकारकर्मी मीरा ढुंगानाले हाल कनुनमा उल्लेख भएको सजाय कम भएर बताइन् । उनले भनिन्,‘विस्तृत रुपमा छुट्टै कानून आउनुपर्छ । क्षतिपूर्ति वापतको रकम तत्काल दिने व्यवस्थासहित चेतनामूलक काम पनि कसले गर्ने भन्ने उल्लेख हुनुपर्छ ।’
उता कानून मन्त्रालयले गत वर्ष संशोधित कानूनमा एसिड आक्रमणमा संलग्नलाई पहिलेको तुलनामा सजाय तथा पीडितलाई क्षतिपूर्तिको मात्रा बढाइएको र संसदमा पेश भएको अपराध संहिताको विधेयकमा कारबाही थप कडा बनाउन प्रस्ताव गरेको बताएको छ ।
मन्त्रालयले एसिड आक्रमणको संवेदनशीलतालाई ध्यान दिएरै त्यस्तो अपराधमा संलग्नलाई दिइने सजाय र पीडितले पाउने क्षतिपूर्ति गत वर्ष बढाएको मन्त्रालयका सहायक प्रवक्ता हुमबहादुर केसीले बताए । आफूले भनेको कुरामा सहमति नजनाएको भन्दै बर्सेनि महिलाहरुमाथि एसिड प्रहारका घटना बाहिर आउने गरेका छन् ।
एसिड हानेर गरिने आक्रमण अन्य आक्रमणभन्दा जघन्य हुने र त्यसले दिएको घाउले दीर्घकालसम्म पीडितलाई असर गर्ने अधिकारकर्मीहरुको भनाई छ । विद्यमान कानूनी व्यवस्थाले शरीरमा एसिड हानिएका पीडितहरुको उपचारमा ठूलो समस्या देखिएको र क्षतिपूर्तिका लागि पनि अदालतकै फैसला कुर्नुपर्ने बाध्यता रहेको उनीहरुको तर्क छ ।
यसरी एसिड प्रहारका घटना बढेपछि अपराध नियन्त्रण गर्न प्रहरीलाई झनै चुनौती थपिएको छ । आफूले भनेको कुरामा सहमति नजनाएको भन्दै बर्सेनि महिलाहरुमाथि एसिड प्रहारका घटना बाहिर आउने गरेका छन् । एसिड हानेर गरिने आक्रमण अन्य आक्रमणभन्दा जघन्य हुने र त्यसले दिएको घाउले दीर्घकालसम्म पीडितलाई असर गर्ने अधिकारकर्मीहरुको भनाई छ ।
विद्यमान कानूनी व्यवस्थाले शरीरमा एसिड हानिएका पीडितहरुको उपचारमा ठूलो समस्या देखिएको र क्षतिपूर्तिका लागि पनि अदालतकै फैसला कुर्नुपर्ने बाध्यता रहेको उनीहरुको तर्क छ ।
