दमक\ नेकपाका प्रभावशाली नेता बामदेव गौतमले आफु कास्कीबाट निर्वाचन नलड्ने स्पष्ट पारेकाछन् ।
उनले सचिवालय बैठकमा यस बिषयमा कुरा राखेको बताउदै सामाजिक सञ्जाल फेसबुकमा जानकारी दिएकाछन् ।
त्यहाँबाट निर्वाचनमा भाग लिन अनुरोध गर्ने पार्टीका आदरणीय अध्यक्षद्वयलाइ धन्यवाद दिदै उनले आफु नउठ्ने बताएको उल्लेख गरेकाछन् ।
गौतम यहाँबाट निर्वाचन उठ्ने चर्चा चलेपछि सामाजिक सञ्जालमा चर्को आलोचना भएको थियो ।
कास्कीलाई कार्यक्षेत्र बनाएर पार्टी काम गर्नेलाइ अवसर दिन समेत उनले आग्रह गरेकाछन् ।
उनले त्यहाँको हकदार त्यहिका स्थानीय हुने समेत उल्लेख गरेकाछन् । यस्तो छ उनको स्पष्टयोक्ति
जानकारी का लागी::
मेरा समस्त शुभचिन्तक महानुभावलाई जानकारीका लागि-
आज बसेको हाम्रो पार्टीको सचिवालय बैठकलाई मैले आफू कास्की जिल्लाको रिक्त प्रतिनिधिसभा सदस्य पदका लागि उम्मेदवारी नदिने जानकारी गराएको छु । मलाई त्यहाँबाट निर्वाचनमा भाग लिन अनुरोध गर्नुहुने हाम्रो पार्टीका आदरणीय अध्यक्षद्वय कमरेड सहित पार्टीका समस्त सहयोद्धाप्रति म हार्दिक आभार प्रकट गर्दछु ।
यसअघि (२०७४ मा) प्रतिनिधिसभा सदस्य पदका लागि आफ्नो पुरानो निर्वाचन क्षेत्र बर्दिया- १ बाट उम्मेदवार भएको यहाँहरुमा विदितै छ । उक्त निर्वाचनमा तत्कालीन वाम गठबन्धनसँग विपक्षीको तुलनामा ३२ हजार मत बढी थियो । तर, म पराजित हुनुपर्यो । त्योभन्दा अत्यन्त कम मतान्तर रहेको कास्कीमा निर्वाचन उठ्नु भनेको म फेरि पराजित हुनु हो । तर मलाई विश्वास छ म भन्दा अरुकोही स्थानीय कमरेड उठनु हुदा सहजै विजय प्राप्त गर्र्न सक्नु हुनेछ। कास्कीको निर्वाचनमा त्यहाँका स्थानीय कमरेडहरु उम्मेदवारीका निम्ति पहिलो हकदर हुनुहुन्छ । यसर्थ म कास्कीलाई कार्यक्षेत्र बनाएर पार्टी काम गरिरहनु भएका कमरेडमध्येबाट उम्मेदवार हुनुपर्ने कुरामा आफ्नो स्पष्ट अडान पेश गर्दछु ।
वामदेव गौतम
४ आश्विन २०७६
