जिल्ला प्रशासन कार्यालय काठमाण्डुले ‘गुण्डा नाइके’ दीपक मनाङगेलाई सार्वजनिक अपराधमा पाँच दिनको थुना म्याद दिएको छ । स्थानीय निर्वाचनलाई मध्य नजर गर्दै उनलाई प्रशासन कार्यालयले पाँच दिनको थुना म्याद दिएको हो । चुनावमा उनले जे पनि गर्न सक्ने भन्दै उनलाई आइतबार साँझ काठमाण्डु प्रहरी परिसर र महानगरीय अपराध महाशाखाको टोलीले ठमेलबाट पक्राउ गरेको थियो । ५ महिनाअघि चार सय युवासहित राप्रपामा प्रवेश गरेका मनाङ्गे राप्रपा मनाङ्गका अध्यक्ष समेत हुन ।