झापामा विद्यायलको बसमा तोडफोड

दूधे । गए राति विद्यायलको बसमा तोडफोड भएको छ । शिवसताक्षीको दूधेस्थित श्री क्याम्ब्रिज अङ्ग्रेजी माध्यमिक विद्यालयको दुई ओटा बस पार्किङ्ग गरेर राखिएको अवस्थामा तोडफोड भएको विद्यालयले जनाएको छ ।  ग १ ख ५३५९ र ना ३ ख ५५९ नम्बरको बसको अगाडीको सिसा फुटेको छ भने डिजेल ट्यांकी, टायर र सिटमा क्षति पुर्याएको विद्यालयका प्रिन्सिपल राम सुहाङ्गले जानकारी दिए । करिब एक लाख ५५ हजार रुपैयाँ बराबारको क्षति पुगेको विद्यालयले जनाएको छ ।  बिहान ८ बजे चालक बस लिन जाँदा तोडफोड भएको थाहा भएको प्रिन्सिपल सुहाङ्गले बताए । बस तोडफोड भएपछि आज विद्यालय बन्द गरिएको छ ।  तोडफोड गर्ने व्यक्तिहरुको खोजी कार्य भईरहको इलाका प्रहरी कार्यालय झिलझिले जनाएको छ ।