काठमाडौं । जिल्ला प्रहरी कार्यालय बैतडीको हिरासतमा रहेका एक व्यक्तिमा कोरोना संक्रमण पुष्टि भएको छ । २२ दिनदेखि हिरासतमा रहेका थुनुवामा कोरोना देखिएपछि जिल्ला प्रहरी कार्यालय बैतडी सिल गरिएको छ । गत चैत ६ गते भारतको मुम्बइबाट घर आएका जिल्लाको शिवनाथ गाँपालिकाको २३ वर्षका युवक कर्तव्य ज्यान मुद्दामा अनुसन्धानका लागि २२ दिन देखि जिल्ला प्रहरी कार्यालय बैतडीको हिरासतमा थिए ।
बैतडीको शिवनाथ गाउँपालिकामा गत वैशाखमा एक युवती मृत्त अवस्थामा खोलामा फेला परेकी थिइन् । मृतक युवतीको अभिभावकको किटानी जाहेरीका आधारमा अनुसन्धानका लागि ति युवक थुनामा रहेका थिए । मुद्दा फाँटमा काम गर्नेदेखि सबै प्रहरीको पीसीआर परीक्षणको तयारी गरिएको छ । संक्रमित युवक बैतडीको पहिलो कोरोना संक्रमित हुन् ।
