बैगुन्धुरामा हावाहुरीले ठूलो क्षति, सय घरको बिचल्लि, सयभन्दा बढि बिद्यूत पोल ढले

दमक/साविक बैगुन्धरा गाबिस वडा नं. ९ र हाल गौरादह नगरपालिकामा गयराती आएको हावाहुरी सहितको असिनाले एकदर्जनभन्दा बढि घरपरिवारको बिचल्लि बनाएको छ । आदिबासी राजबंशी तथा ताजपुरीया समुदायका बाहुल्यता रहेको क्षेत्रमा घर भत्काउनका साथै छानोहरु उडाएको हो । नेकपा एमालेका झापा क्षेत्र नं. ६ का सचिब नगेन्द्र भण्डारीका अनुसार आज बिहान साँसद दीपक कार्की सहितको टोलीले स्थलगत अवलोकन समेत गरेको छ । भण्डारीका अनुसार नरेन्द्र श्रेष्ठको गाइ मरेको छ । १० वटा घरहरुको पूर्ण रुपमा क्षति भएकाले खुला आकाशमूनि बस्न बाध्य भएकाछन् । अन्य ९० घरमा क्षति पुगेको छ । बिजूलीका १ सयभन्दा बढि पोलहरु ढेलकाले बिजूली पनि अवरुद्ध रहेको छ ।