काठमाडौं, २१ जेठ । अमेरिकी मिलेनियम च्यालेन्ज कर्पोरेशन (एमसीसी)को विरोधमा विप्लव निकट व्रिदोही नेकपाको विद्यार्थी संगठन अनेरास्ववियूले काठमाडौंमा पनि प्रदर्शन गरेको छ ।
देशभर विरोध कार्यक्रम जारी राख्ने नीति अनुरुप अनेरास्ववियुका विद्यार्थीहरुले बुधबार दिउँसो काठमाडौंको माइतीघर मण्डलामा प्रदर्शन गरेका हुन् ।
विज्ञापन (ADVERTISEMENT)
बिभिन्न नारा लगाउँदै प्रदर्शनमा उत्रिएका उनीहरुले एमसीसी कुनै पनि हालतमा पारित गर्न नदिने चेतावनी समेत दिएका छन् ।
विरोधमा प्रदर्शनको क्रममा विद्यार्थी नेता रबिन जङ बस्नेतले एमसीसी महाकाली सन्धि भन्दा राष्ट्रघाती सन्धि भएको भन्दै यसको विरोधमा निरन्तर प्रदर्शन जारी राखिने बताए ।
लकडाउनकोबीच पनि उनीहरुले सडकको बिचमा बसेर प्रदर्शन गरेका थिए ।
साभार : न्युज २४
