कञ्चनपुर। बुधबार बिहानैदेखि परेको अविरल बर्षाका कारण कञ्चनपुरमा रहेको नेपाल भारत सीमा स्तम्भ ढलेको छ । कञ्चनपुरको बेलौरी नगरपालिका वडा नं २ बैजुडाडास्थित नेपाल भारत २०७ नं सीमा स्तम्भ ढलेको छ। स्थानियले वर्षाका कारण सो स्तम्भ ढलेको बताएका छन् ।
सीमास्तम्भ नजिकै उम्रिएको सिमलको रुखका कारण वर्षौदेखि सो स्तम्भ बांगिएको अवस्थामा थियो। लामो समयदेखि सीमास्तम्भ बाँगिएर जिर्ण हुँदासमेत सम्बन्धित निकायको वेवास्ताका कारण सीमास्तम्भको मर्मत भएको थिएन।
विज्ञापन (ADVERTISEMENT)
कञ्चनपुरको दक्षिणी क्षेत्रमा भारतीय पक्षले कैयौं स्थानमा सीमास्तम्भ गायव पार्ने र नक्कली स्तम्भ गाडेर सीमा अतिक्रमण गर्दै आएको भएपनि नेपालले त्यसतर्फ ध्यान नदिएको स्थानियले गुनासो समेत गरेका छन् । स्तम्भ ढलेपनि सरकार बेखबर जस्तै छ ।
