लामो कसरतपछि झापाको दमक नगरपालिकामा मेयर र उपमेयरको टुङ्गोमा नेपाली काँग्रेस पुगेको बताईएको छ । ५ जना मेयरका आँकाक्षिहरु रहेकामा सर्वसम्मत रुपमा नेपाली काँग्रेसका क्षेत्रिय सभापति ढुण्डिारज भण्डारी मेयरमा र महिला नेत्री रेगिना भट्टराइ प्रशाइ उपमेयरमा जिल्लामा सिफारीस भएको नेपाली काँग्रेस नगर कमिटीका एक पदाधिकारीले बताएकाछन् । उनका अनुसार यहाँबाट सर्वसम्मत रुपमा दुइजनाको नाम पठाइएको हो । आँकाक्षिहरु सबैले भण्डारीलाइ समर्थन गरेको र निर्बिबाध रुपमा भण्डारी र भट्टराइलाइ उठाइएकाले अब चुनावी अभियान शुरु हुने काँग्रेसका ति नेताले बताए । भण्डारी अप्रत्याशित रुपमा काँग्रेसको नगरसभापति जितेका थिए । त्यसपछि उनले क्षेत्रिय सभापति पनि जिते । युवामाझ लोकप्रीय रहेका उनि दमक नगरपालिकाको संयन्त्रको सदस्यमा रहेर पनि काम गरिसकेकाछन् । उपमेयर भट्टराइ राजनीति र सामाजिक रुपमा नै चिनिएकी ब्याक्ति हुन् । दमक जेसिसको पहिलो महिला अध्यक्ष उनि बनेकी थिइन् ।