पश्चिम नवलपरासीको रामग्राम नगरपालिकामा कार्यरत कर्मचारीमा कोरोना संक्रमण देखिएपछि नगरपालिका शुक्रबारदेखि सिल गरिएको छ ।
जिल्ला सदरमुकाम परासीमा रहेको नगरपालिका क्षेत्रमा समुदाय स्तरमा पीसीआर परीक्षण गरिएको थियो । जसमा नगरपालिकाका एक कर्मचारी र वडा नं. १८ का एक जनाको रिपोर्ट पोजेटिभ देखिएको थियो ।
विज्ञापन (ADVERTISEMENT)
कर्मचारीमा पोजिटिभ देखिएपछि साउन मसान्तसम्मका लागि नगरपालिका सिल गरिएको नगर प्रमुख नरेन्द्र गुप्ताले बताए ।
सिल गरिएको समय अवधिभर कार्यालय पूर्णरूपमा बन्द रहने छ । त्यसै गरि सुनवल नगरपालिकामा ७७ जनामा परीक्षण गरिएकोमा सबैको रिपोर्ट नेगेटिभ आएको छ ।
अन्य स्थानीय तहमा गरिएको परीक्षणको रिपोर्ट आउन बाँकी रहेको स्वास्थ्य कार्यालयका प्रमुख गौरव ढकालले जानकारी दिए ।
