ट्राफिक प्रहरी जवान कमलप्रसाद घिमिरेलाई बिहीबार ललितपुरको पुल्चोकमा कुटपिट गरेको आरोपमा प्रहरीले ९ जनालाई पक्राउ गरेको छ।
रातो मछिन्द्रनाथको रथ तान्ने क्रममा प्रदर्शनकारीले घिमिरेलाई कुटेका थिए। घाइते घिमिरेको जावलाखेलस्थित अल्का अस्पतालमा उपचार भइरहेको छ।
विज्ञापन (ADVERTISEMENT)
उक्त घटनामा संलग्न रहेको आरोपमा ललितपुर प्रहरीले विभिन्न ठाउँबाट ९ जनालाई पक्राउ गरेको हो।
प्रहरीका अनुसार पक्राउ पर्नेमा ललितपुरको गावाहालका महेश बज्राचार्य,बगलामुखीका पृथ बिन्दु महर्जन, अशोजकुमार महर्जन, रवि शाक्य र रविन शाक्य रहेका छन्।
त्यस्तै, महालक्ष्मी नगरपालिका इमाडोलका सुविन शाक्य, ध्रुवराज बज्राचार्य, भक्तपुर भिमीका श्याम श्रेष्ठ र काठमाडौं महानगरका यादवलाल कायस्थ रहेका छन्।
