काठमाण्डाै – नेपाल कम्युनिस्ट पार्टीका प्रवक्ता नारायणकाजी श्रेष्ठले नेपाल विद्युत् प्राधिकरणका कार्यकारी निर्देशक कुलमान घिसिङको योगदानलाई नेपाली नागरिकले नबिर्सिने बताउनुभएको छ ।
कुलमान घिसिङको चार वर्षे कार्यकाल सकिएपछि नेकपा प्रवक्ता श्रेष्ठले ट्वीट गर्दै यस्तो बताउनुभएको हो । उहाँले ट्वीटमा भन्नुभएको छ, ‘विद्युत् प्राधिकरणका कार्यकारी निर्देशक कुलमान घिसिङको हिजोबाट पदावधि सकिएको छ । उनले ऊर्जा क्षेत्रमा पुर्याएको योगदानलाई नेपाली नागरिकले कहिल्यै बिर्सन छैनन् ।’
साथै प्रवक्ता श्रेष्ठले घिसिङको योगदान अझै आवश्यक भएकाले उनको पुनर्नियुक्ति हुनेछ भन्नेमा आफू विश्वस्त रहेको बताउनुभएको छ ।
२०७३ सालको भदौ २९ गते नियुक्त हुनुभएका घिसिङको कार्यकाल आइतबार राति १२ बजेदेखि सकिएकाे हो ।
आफ्नो चार वर्षे कार्यकालमा निकै प्रशंसा कमाउनुभएका कुलमान घिसिङलाई अर्को कार्यकाल पनि प्राधिकरणको नेतृत्व दिन सरकारमाथि जनदबाब बढेको छ ।
https://twitter.com/nksthaprakash/status/1305401664891887616?ref_src=twsrc%5Etfw%7Ctwcamp%5Etweetembed%7Ctwterm%5E1305401664891887616%7Ctwgr%5Eshare_3&ref_url=https%3A%2F%2Fujyaaloonline.com%2Fstory%2F43082%2F2020%2F9%2F14%2Fncp-spokesperson-about-kulman-ghising-tenure
