बारा । नेपाल आयल निगम अमलेसगञ्ज गइरहेको पेट्रोलियम पदार्थमा मिसावट गर्ने २ जना टयांकर चालकलाई बारा प्रहरीले पक्राउ गरेको छ ।
भारतीय आयल निगम रक्सौलबाट पेट्रोल लिएर जानेक्रममा बाटोमै मिसावट गर्ने टयांकर चालक जितपुर सिमरा उपमहा नगरपालिका–२१ का बर्ष २६ का राजेश विश्वकर्मा र हेटौंडा नगरपालिका– ११ का २९ वर्षीय सन्तोष खड्का पक्राउ परेका हुन् ।
विज्ञापन (ADVERTISEMENT)
दुवै जनामाथि कालोबजारी तथा सामाजिक अपराध मुद्धा दर्ता गरेर जिल्ला अदालत कलैयाबाट १० दिनको म्याद थप गरी अनुसन्धान सुरु गरेको बारा प्रहरी प्रवक्ता डीएसपी गौतम मिश्राले जानकारी दिए ।
ना ७ ख ३९२३ र ना ७ ख ४०९३ नम्बरको टयांकरमा शुक्रवार उनीहरुले ल्याएको पेट्रोलको नेपाल आयल निगम अमलेसगंजमा गुणस्तर जाँचगर्दा मिसावट भेटिएपछि उनीहरुलाई पक्राउ गरिएको मिश्रले बताए ।
