काठमाडौं– लोक तथा दोहोरी गायक रत्न बानियाँको निधन भएको छ।झरना संगीत रेकर्डिङ स्टुडियोका प्रबन्ध निर्देशक, गायक तथा राष्ट्रिय लोक तथा दोहोरी गीत प्रतिष्ठान नेपालका आजिवन सदस्य रहेका बानियाँको गए राती चावहिलस्थित ओम हस्पिटलमा उपचारकै क्रममा निधन भएको हो।लडाइँको लाहुरे, जिन्दगी के छ र, के हो नि तिम्रो चाल आदि गीतका गायक बानियाँ पछिल्लो केहि समय अघिदेखि मृगौला रोगबाट पीडित थिए ।पछिल्लो समय उनका दुबै मृगौलाले काम गर्न छाडेको बताइन्छ ।उनको आजै दिउँसो आर्यघाटमा अन्त्येष्टी गरिने पारिवारिक श्रोतले जानकारी दिएको छ ।