काठमाडौं सर्वोच्च अदालतले पार्टी एकीकरणलाई खारेज गरिदिएपछि ब्यूँतिएको सत्तारुढ नेकपा एमालेमा प्रष्ट दुई धार रहेको छ । जसमध्ये वरिष्ठ नेताद्वय झलनाथ खनाल र माधव कुमार नेपाल समूहले आफ्नो समूहको बैठक बोलाएको छ । प्रधानमन्त्री केपी शर्मा ओलीविरुद्ध एकजुट भएका नेताहरु आज छलफलमा बस्दैछन् । झलनाथ-माधव समूहको छलफल बेलुकी बैठक बस्ने तय भएको छ । पार्टीको बैठकअघि नै आफ्नो समूहको बैठक बसेर ओलीसँग कसरी अगाडि जाने भन्ने विषयमा रणनीति तयार गरेर मात्रै पार्टीको बैठकमा उपस्थित हुनुपर्नेमा नेताहरुको जोड छ । अब एमालेभित्र ओलीसँग मिलेर जाने अथवा सशक्त प्रतिवादसहित अगाडि जाने भन्ने विषयमा रणनीति तयार गरेपछि मात्रै पार्टीको बैठकमा उपस्थित हुने एमालेका केन्द्रीय सदस्य मेटमणि चौधरीले जानकारी दिए ।