दमक/ झापाको बुद्धशान्ति र भद्रपुरमा गएराती ( शनिबार) भएको आगलागीका कारण सवा करोड बराबरको धनमाल नोक्सान भएको छ ।बुद्धशान्ति गाउँपालिका–४ देवी बस्तीका ज्योती विमलीको बाख्रा फार्ममा राती साढे २ बजे आगलागी हुँदा ६५ लाख रुपैयाँ बराबरको नोक्सानी भएको हो ।आगलागी हुनुको कारण खुल्न नसकेको जनाइएको छ । यस्तै, भद्रपुर नगरपालिका सातमा फर्निचर उद्योगमा आगलागी हुँदा ६० लाख रुपैयाँ बराबरको नोक्सानी भएको छ । चट्याङ्ग परेर विद्युत सर्ट हुँदा यादवराज पोखरेलले सञ्चालन गरेको फनिर्चन उद्योगमा आगलागी भएको हो ।