चौबीस घण्टामा देशका १९ स्थानमा आगलागीः एकको मृत्यु, १० करोड बढीको क्षति

काठमाडौं। पछिल्लो चौबीस घण्टामा देशका १९ स्थानमा ठूला आगलागीका घटना भएका छन्। ती घटनामा परी एक जनाको मृत्यु भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आगलागीबाट १० करोड १६ लाख २५ हजार रुपैयाँ बराबरको आर्थिक क्षति भएको छ। मंगलबार बिहान १० बजेदेखि बिहीबार विहान १० बजेसम्मको अवधिमा ती आगलागीका घटना भएको प्राधिकरणले जनाएको छ।