काठमाडौं। नेपालका ब्याट्सम्यान कुशल भुर्तेल आईसीसीको अप्रिल महिनाको उत्कृष्ट खेलाडी अवार्डका लागि मनोनयनमा परेका छन्। आईसीसीले आज सार्वजनिक गरेको मनोनयनमा कुशलसहित पाकिस्तानका बाबर आजम र फखर जमान परेका छन्। नेदरल्यान्डस् र मलेसियासम्मिलित त्रिकोणात्मक शृङ्खलामार्फत ट्वान्टी-२० अन्तर्राष्ट्रिय क्रीकेटमा डेब्यू गरेका कुशलले लगातार तीन सहित ४ अर्धशतक बनाएका थिए। उनी ट्वान्टी-२० अन्तर्राष्ट्रिय क्रीकेटको ब्याटिङ वरीयताको ६१ औं स्थानमा छन्।