झापाको दमक ६ मा माओबादी केन्द्रका मेयरका उम्मेद्वार गगन पुरीको घर छेउमा रहेको शंकाश्पद बस्तु नेपाली सेनाको टोलीले डिस्पोज गरेको छ । बिहान भेटिएको शंकाश्पद बस्तु बिहान ८ बजे डिस्पोज गरिएको हो । सुरक्षा श्रोतका अनुसार यो सामान्य प्रकारको बिस्फोटक पदार्थ रहेको पाईएको छ । डिस्पोज गर्दा आएको आवाजले आसपासका बासिन्दाहरु त्रसित भएका थिए । यसैगरि दमकको हिमालय माबि अगाडि पनि शंकाश्पद बस्तु फेला परेको जनाईएको छ । इलाका प्रहरी कार्यालय दमकका प्रमुख राजन लिम्बुका अनुसार त्यहाँ पनि डिस्पोजको तयारी भइरहेको छ । दमक ६ मा डिस्पोज गरेको टोली नै त्यहाँ पुगेर डिस्पोज गर्ने तयारी गर्दैछ ।