इटहरीको माया घरका ४१ जनामा कोरोना संक्रमण

सबै संक्रमणलाई इटहरी अस्पतालले हेल्थ मनिटरिङ गरिरहेको छ । हाल सबैको अवस्था सामान्य र सुधारोन्मुख रहेको बताइएको छ । क्लस्टरमा केस देखिएकोले प्रारम्भिक अवस्थादेखि नै इटहरी अस्पताल, उपमहानगरको स्वास्थ्य शाखा र डब्लुएचओको टिमले मनिटरिङ गरिरहेको छ । अनाथ, वेवारिसे  र मानसिक सन्तुलन गुमाएका महिला र  बालबालिकालाई  मायाघरले संरक्षण दिँदै आएको छ ।  मायाघरकी सचिव  सुभद्रा पराजुलीका अनुसार हाल माया घरमा ८५ जना छन् ।