सिरहामा महिलालाई कुटपिट गरेको अभियोगमा एक युवक समातिएका छन् । अर्नामा गाउँपालिका ४, गौरीपुरकी २२ वर्षीया महिलालाई कुटपिट गरेको अभियोगमा स्थानीय अशोक यादव हिजो राति पक्राउ परेका हुन् ।
जग्गाको बिषयमा विवाद हुँदा यादवलगायत तीन जनाले महिलालाई कुटपिट गरेका थिए । पछि यादवलाई इलाका प्रहरी कार्यालय, अर्नामाबाट खटिएको टोलीले पक्राउ गरेको हो ।
विज्ञापन (ADVERTISEMENT)
कुटपिटबाट घाइते महिलाको जिल्ला अस्पताल सिरहामा उपचार भइरहेको छ । कुटपिटमा संलग्न तर अहिले फरार दुई जनाको भने प्रहरीले खोजी गरिरहेको बताइएको छ ।
