कतारले जित्यो शरणार्थी च्यालेन्ज कपको

दमक, सिएफसी कतार झापाको दमकमा जारी चौथो ओविसिए अन्तराष्ट्यि शरणार्थी च्यालेन्ज कपको उपाधि जित्न सफल भएको छ । रोयल क्लब अफ भारतलाई ट्राईबे्रकरमा ४–३ को गोल अन्तरले पराजित गर्दै कतारले उपाधि जितेकोे हो । प्रतिषप्रधात्मक खेलमा निर्धारित समयमा दुबै तर्फबाट गोल हुन नसके पछि खेलको निर्णय ट्राईबे्रकरबाट लिईएको हो । ट्राईबे्रकरमा रोयलका बोई सिंहले गरेको प्रहार सिएफसीका गोल रक्षकले रोकेका थिए । त्यस्तै भारतकै निलाम्बर शाहको प्रहार पोष्टबाट बाहिरिए पछि सिएफसी कतारले उपाधि आफ्नो पक्षमा पार्न सफल भएको हो । शनिबारको खेलको म्यान अफ द म्याच रोयलका हेमरोन घोषित भए । त्यस्तै बेस्ट गोल किपरमा कतारका किशोर गिरि, बेस्ट कोचमा मुन्ना सुब्बा, बेस्ट मिड फिल्डरमा हेमन्त थापा मगर, बेस्ट स्टईकरमा विशाल राई ‘ए’ घोषित भए । उनीहरुले जनही ३÷३ हजार नगद प्राप्त गरे । स्वदेश तथा विदेशका गरि ८ टिमको सहभागिता रहेको प्रतियोगिताको उद्घाटन राष्ट्यि मानव अधिकार दिवशको दिन डिशेम्बर १० अर्थात मंसिर २५ गते गरिएको थियो । शरर्णार्थी बनाउने भूटानलाई दबाब दिन तथा शरण दिने नेपाललाई धन्यबाद दिन प्रतियोगिताको आयोजना गरिएको आयोजक फेन्स क्लब अफ विआरसी भूटानका अध्यक्ष युवराज राईले बताए । प्रतियोगितामा प्रथम हुनेलाई १ लाख २ हजार १६ रुपैयाँ नगद, प्रमाणपत्र, मेडल र ट्रफि र द्वितीय हुने टिमले ६२ हजार १६ नगद, प्रमाणपत्र, मेडल र ट्रफि कार्यक्रमका प्रमुख अतिथि झापाका प्रमुख जिल्ला अधिकारी उत्तर कुमार खत्रीले प्रदान गरे ।