दमक/झापाको गौरादह नगरपालिकाको वडा नं. ७ वडा कार्यालय गेट नजिकै बिस्फोटक पदार्थ बिस्फोट गराएको जनाईएको छ ।
जुरोपानीको ग्वालडुब्बामा रहेको वडा कार्यालय अगाडि मोटरसाइकलमा आएका दुइजनाले बिस्फोटक पदार्थ जस्तो सामाग्रि फ्यालेपछि आवाज सहित पड्केको स्थानीयले बताएकाछन् ।
विज्ञापन (ADVERTISEMENT)
बिहान साढे ७ बजेतिर घटना भएको र बिस्फोटक पदार्थ भएपनि बम नभएको इलाका प्रहरी कार्यालय गौरीगन्जका प्रहरी निरिक्षक टेकेन्द्र पौड्यालले बताए । तर्साउने उदेश्यले पटका पटकाएको हुनसक्ने जनाईएको छ ।
बिस्फोटक पदार्थ बिस्फोट भएपछि स्थानीयहरु भयभित भएकाछन् । आज बिप्लवले नेतृत्व गरेको नेकपाले बन्दको आह्वान गरेको थियो ।
