पर्वत, ३ माघ — पर्वतमा बिहीबार विहान भएको बस दुर्घटनामा तीन जनाको मृत्यु भएको छ । साथै दुर्घटनामा ३८ जना घाइते भएका छन् ।
बेनीबाट नारायणगढतर्फ जाँदै गरेको ग १ ख ६१०८ नम्बरको बस पर्वतको कुश्मा नगरपालिका— १ मालढुङ्गास्थित सुकुम्बासी टोलमा दुर्घटनामा परेको हो ।
विज्ञापन (ADVERTISEMENT)
दुर्घटना बिहान करिब सवा आठ बजे भएको हो । घटनास्थलमा रहेका पर्वतका प्रहरी प्रमुख भुवनेश्वर तिवारीका अनुसार घाइतेलाई उद्धार गरेर उपचारका लागि पठाइएको छ ।
घाइतेलाई बाग्लुङ र पर्वतका अस्पतालमा पठाइएको उनले जानकारी दिए । बाग्लुङ अस्पतालमा २२ जना घाइतेलाई पठाइएको छ ।
बस सडकबाट करिब ७० मिटर तल खसेको छ । मृतकको सनाखत हुन सकेको छैन । घटनाको विस्तृत विवरण आउन बाँकी छ ।
